Հալեպի ազատագրումից հետո ավելի քան 200 հազար բնակիչ վերադարձել է քաղաք

Հալեպի ավելի քան 200 հազար բնակիչ վերադարձել է քաղաքի արևմտյան հատված՝ այն ահաբեկիչներից ազատագրելուց հետո, ՌԻԱ Նովոստի-ին ասել է քաղաքի նահանգապետ Հուսեյն Դիաբը:

Սիրիայի բանակը դաշնակից ուժերի աջակցությամբ Հալեպն ազատագրել է 2016 թվականի դեկտեմբերի 21-ին:

«Քաղաքի արևմտյան հատված է վերադարձել 201 հազար 308 քաղաքացի այն բանից հետո, երբ սիրիական կառավարությունը վերադարձրել է վերահսկողությունը Հալեպի նկատմամբ»,- ասել է Դիաբը:

Նրա խոսքով, ընտանիքները կարողացել են Հալեպ վերադառնալ՝ ավերակների դուրս բերումից հետո միայն: