«Ուժեղ Հայաստանը» մասնակցելու է ՏԻՄ ընտրություններին

«Ուժեղ Հայաստան» ընդդիմադիր խմբակցությունը մասնակցելու է տեղական ինքնակառավարման մարմինների ընտրություններին։ Սեպտեմբերի 22-ի ավանդական ճեպազրույցների ժամանակ ԱԺ «Ուժեղ Հայաստան» խմբակցության պատգամավոր Մարիաննա Ղահրամանյանը հայտարարել է, որ Ստեփանավան խոշորացված համայնքում թեկնածուն և ցուցակն արդեն առաջադրված են։

«Այդ տարածաշրջանում բավականին թեժ պայքար է սպասվում։ Մեր դիրքորոշումն այս հարցում ակնհայտ է՝ մենք գնում ենք հաղթելու։ Մյուս համայնքներում ևս գործընթացներ կլինեն»,- նշել է պատգամավորը՝ հավելելով, որ մի շարք համայնքներում կառաջադրվեն ընդդիմության այլ ներկայացուցիչներ։

Խմբակցության քարտուղար Տիգրան Աբրահամյանը աջակցել է գործընկերոջը։ Նրա խոսքով՝ առաջիկա ՏԻՄ ընտրություններում իշխող «Քաղաքացիական պայմանագիր» խմբակցությանը լուրջ փորձություններ են սպասվում։ Այն համայնքներում, որտեղ «Ուժեղ Հայաստանը» թեկնածուներ չի առաջադրել, տեղի կունենա դաշինքի նիստ, որի ընթացքում կորոշվի ընտրություններին մասնակցության ձևաչափը։