Կոբախիձեն ողջունել է Ադրբեջանի և Հայաստանի միջև խաղաղության գործընթացը

Հարավային Կովկասը նշանակալի փոփոխությունների փուլ է ապրում, և ավելի ու ավելի մեծ ուշադրություն է դարձվում դրա տնտեսական ու ռազմավարական ներուժին։ Ինչպես հայտնում է Վրաստանի կառավարության մամուլի ծառայությունը, այս մասին հայտարարել է Վրաստանի վարչապետ Իրակլի Կոբախիձեն՝ ելույթ ունենալով ՄԱԿ-ի Գլխավոր ասամբլեայի 81-րդ նստաշրջանի բարձր մակարդակի շաբաթվա շրջանակում անցկացվող «Բազմակողմ գործընկերության գագաթնաժողովում»։

«Այսօր գործնական տարածաշրջանային համագործակցության համար ավելի լայն հնարավորություններ կան։ Մենք ողջունում ենք մեր հարևանների միջև խաղաղ գործընթացում արձանագրված առաջընթացը և հավատացած ենք, որ տարածաշրջանային համագործակցության ամրապնդումը կարող է նոր հնարավորություններ ստեղծել այնպիսի ոլորտներում, ինչպիսիք են առևտուրը, կապակցվածությունը և տնտեսական զարգացումը», - հայտարարել է վարչապետը՝ ընդգծելով, որ Վրաստանը հավատարիմ է մնում երկարատև խաղաղության և բարօրության հասնելու համար անհրաժեշտ սկզբունքների պահպանմանը։