Սիրիական զինվորականները Դամասկոսի արեւմտյան հատվածում ահաբեկչություն են կանխել

Սիրիայի զինված ուժերը հատուկ ծառայությունների հետ համատեղ Դամասկոսի արեւմտյան մուտքի մոտ ահաբեկչական հարձակում են կանխել, հաղորդում է ՍԱՆԱ սիրիական պետական լրատվական գործակալությունը:

Գործակալության տվյալներով՝ հատուկ ծառայությունների օպերատիվ աշխատանքը թույլ է տվել հայտնաբերել նախապատրաստվող ահաբեկչական գործողությունը, ինչի շնորհիվ ուժայինները ժամանակին արգելափակել եւ ոչնչացրել են առանց համարանիշների պայթուցիկ ավտոմեքենան: Ավտոմեքենայի ղեկին մահապարտ է եղել:

Հակաահաբեկչական գործողությունները ընթանում էին Մութահալլիք ճանապարհին՝ «Ալ-Լիուան» կամրջի կողքին: