29.03.2024
Էրդողանն Իսրայելին դիվանագիտկան հարաբերությունների խզումով է սպառնացել
prev Նախորդ նորություն

Նորություններ գործընկերներից

Թրամփը Երուսաղեմն Իսրայելի մայրաքաղաք կճանաչի

Հնարավոր է, որ ԱՄՆ նախագահ Դոնալդ Թրամփը Երուսաղեմն Իսրայելի մայրաքաղաք ճանաչի, հայտնում է Reuters-ը՝ վկայակոչելով նրա վարչակազմի բարձրաստիճան ներկայացուցիչներին: Այսօր նախատեսված է այդ հարցով նրա հայտարարությունը, հայտնել է Սպիտակ տան ներկայացուցիչ Սարա Սանդերսը՝ չհստակեցնելով, թե Թրամփը հատկապես ինչ է պատրաստվում ասել:

Փակ ճեպազրույց անցկացրած Սպիտակ տան պաշտոնյաներից մեկն ասել է, որ Երուսաղեմը Իսրայելի մայրաքաղաք ճանաչելու որոշումն ընդունելիս Թրամփն առաջնորդվել է «պատմական իրականությամբ»: Նա շեշտել է, որ այնտեղ է գտնվում ե՛ւ Իսրայելի կառավարությունը, ե՛ւ երկրի Գերագույն դատարանը:

Politico-ն, նույնպես վկայակոչելով բարձրաստիճան պաշտոնյայի, նշել է, որ Թրամփը պնդում է Երուսաղեմի «անբաժանելիությունը»: Սպիտակ տանը չեն կարծում, որ Երուսաղեմի ճանաչումը կարող է բացասաբար ազդել պաղեստինա-իսրայելական հակամարտության կարգավորման վրա: «Երուսաղեմի, որպես Իսրայելի մայրաքաղաք, ճանաչման հետաձգումը ոչ մի բան չէր տա արդեն 2 տասնամյակ ձգվող խաղաղության ձեռքբերմանը»,- նշել է պարբերականի զրուցակիցներից մեկը:

Իսրայելում ԱՄՆ դեսպանատան տեղափոխման հարցը դեռեւս կհետաձգվի: Պարբերականի զրուցակիցը նշում է, որ ամերիկյան դիվանագիտական առաքելությունը հարմար շենք չի ընտրել: Դրանից զատ, անհրաժեշտ է լուծել անձնակազմի անվտանգության հարցերը: Անցյալ շաբաթ ԱՄՆ Պետքարտուղարությունը Թրամփի հայտարարությունից առաջ կապի դիվանագիտական խողովակներով կարգադրել է ամբողջ աշխարհում ԱՄՆ դեսպանատներում մեծացնել անվտանգության մակարդակը:

Սաուդյան թագավորը նախազգուշացրել է Թրամփին Երուսաղեմի մասին իր որոշման հետեւանքների մասին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար