Բարսելոնայի կենտրոնում ահաբեկչություն է տեղի ունեցել

Բարսելոնայի սրտում՝ զբոսաշրջային ամենահայտնի Ռամբլա փողոցում, մինիվենը մխրճվել է մարդկանց մեջ: Ոստիկանությունը կատարվածը որակել է ահաբեկչություն:

ՌԻԱ Նովոստիի հաղորդմամբ, ահաբեկչության զոհ է դարձել 13 մարդ, վիրավորվել 60-ից ավելին: Ականատեսները նշել են, որ մեքենան շարժվել է ավելի քան 80 կմ/ժ արագությամբ, զիգզագներով, որպեսզի հնարավորինս շատ մարդու վնասի:

Կատալոնիայի ոստիկանությունը հաղորդել է մեկ ձերբակալվածի մասին:

El Periodico պարբերականը, երկու կասկածյալներից մեկը սպանվել է փոխհրաձգության ժամանակ:

Բոլոր զվարճանքի միջոցառումները քաղաքում չեղարկվել են, ոստիկանությունն առաջարկել է տեղափոխել այլ հյուրանոցներ այն զբոսաշրջիկներին, որոնք բնակվում են Ռամբլայի շրջակայքի հյուրանոցներում: