Կատարը Պարսից ծոցի երեք երկրների դեմ հայցեր է պատրաստում

Կատարի մարդու իրավունքների հարցերով ազգային հանձնաժողովը մտադիր է դիմել շվեյցարական իրավաբանական ֆիրմայի ծառայություններին, որպեսզի փոխհատուցում պահանջի Պարսից ծոցի երեք երկրներից, որոնք խզել են Դոհայի հետ դիվանագիտական հարաբերությունները ու նրա դեմ պատժամիջոցներ սահմանել, հայտնում է «Ալ Ջազիրա» հեռուստաալիքը։

Հանձնաժողովի ղեկավար Ալի բին Սմայխ Ալ Մարին հայտնել է, որ հանձնաժողովը մտադիր է գործողություններ ձեռնարկել Սաուդյան Արաբիայի, ԱՄԷ-ի ու Բահրեյնի դեմ։

«Մենք ձեռնարկում ենք իրավաբանական գործողություններ նրանց հետ միասին, ում վրա ազդել են այդ պատժամիջոցները։ Այդ երեք երկրները պետք է փոխհատուցեն պատժամիջոցներից մեր կրած վնասները։ Որոշ հայցեր ներկայացվելու են այդ երեք երկրների դատարաններ, իսկ մի քանիսն էլ՝ դատարաններ, որոնք միջազգային իրավազորություն ունեն, օրինակ Եվրոպայում։ Կախված փոխհատուցումից»։