Փորձագետներ. ԱՄՆ–ն օգտագործում է Սաուդյան Արաբիային` Իրանին զսպելու համար

Բիզնեսի և քաղաքականության առումով Սաուդյան Արաբիան` ամերիկացիների առանցքային գործընկերն է ռազմավարական կարևորությամբ տարածաշրջանում։ Այդ մասին РБК–ին հայտնել է փորձագետ Ւվան Տիմոֆեևը։

Նա նշել է, որ Սաուդյան Արաբիան ԱՄՆ–ի նավթի հիմնական մատակարարներից է և կարևոր շուկա` ամերիկյան ռազմա–արդյունաբերական համալիրի համար։

Փորձագետ Մաքսիմ Սուչկովը նշել է, որ այժմ Թրամփի համար կարևոր է ցուցադրել հավատարմություն Մերձավոր Արևելքի առանցքային դաշնակիցներին`Սաուդյան Արաբիային ու Իսրայելին, որոնք հիասթափված էին Բարաք Օբամայի քաղաքականությամբ։

Սուչկովի խոսքով, Թրամփն այցելել է Սաուդյան Արաբիա, որպեսզի իր համերաշխությունը հայտնի Պարսից ծոցի միապետությունների օրակարգին` Իրանին զսպելու համար։