Արաբերենն Իսրայելում կարող է զրկվել պաշտոնական լեզվի կարգավիճակից

Իսրայելի իշխանությունները մտադիր են զրկել արաբերեն լեզուն երկրորդ պաշտոնական լեզվի կարգավիճակից:

Նախարարների հանձնաժողովը հաստատել է օրինագիծը, որով նախատեսվում է առաջիկայում «հատուկ կարգավիճակ» սահմանել արաբերենի համար, հայտնում է Times of Israel-ը։

Օրինագիծը դեռ պետք է երկու ընթերցմամբ հաստատվի խորհրդարանում:

2014-ին նմանատիպ նախաձեռնությունը ձախողվեց: Քննադատները նշում են, որ դա կլինի արաբների և այլ փոքրամասնությունների խտրականության դրսևորում: Իսրայելի 8,7 մլն բնակչության 20 տոկոսն արաբներ են: