Գերմանական պարբերական. G7-ին Պուտինին չհրավիրելը մեծ ապուշություն է
ՌԴ-ի նախագահ Վլադիմիր Պուտինը պետք է մասնակցի Էլմաույում G7-ի գագաթաժողովին, հատկապես հիմա՝ ուկրաինական իրադարձությունների հետ կապված սուր ճգնաժամի պայմաններում, փոխանցում է գերմանական Stern պարբերականը:
Հենց այդպես՝ արժեքների հանրությունը հավաքվում է Էլմաուի ամրոցում: Այդ պատճառով Վլադիմիր Պուտինին չի թույլատրվել՝ երկրորդ անգամ անընդմեջ, մասնակցել մեծ յոթնյակի գագաթաժողովին՝ բավարական Ալպերում, որտեղ նրանք քննարկելու են գլոբալ ճգնաժամերը և առաքելությունները: "Բայց ռուսը բռնազավթել է Ղրիմը, հետ է վերցրել այն Ուկրաինայից և հանձնել ՌԴ-ին՝ դրանով խախտելով միջազգային իրավունքը: Դրա համար նա պատժված է, դրա համար G7-ը նորից չի կարողանում դառնալ G8: Ինչ կարող է լինել ավելի աբսուրդ", - նշել է պարբերականի լրագրողը:
"Այդ երբվանից է ճգնաժամի պայմաններում հանդիպման հրավերը համարվո՞ւմ խրախուսանք: Այդպիսի հանդիպումները իմաստ են ունենում, երբ սեղանի շուրջ հավաքվում են կարևորագույն խաղացողները և անում են ամեն ինչ, իրականում ամեն ինչ, որպեսզի կանխեն անկում ապրող հարաբերությունների ամբողջական խզումը: Եթե լսել առողջ բանակությունը, ապա ՌԴ-ը գրեթե անփոխարինելի է այնպիսի խնդիրների կարգավորման մեջ, որոնք կապված են Ուկրաինայի, Մերձավոր Արևելքի, գլոբալ ահաբեկչության և կլիմայի փոփոխությունների հետ", - նշել է պարբերականը:
Հոդվածի հեղինակը աբսուրդ է համարում այն իրավիճակը, երբ ԱՄՆ-ն իրեն իրավունք է վերապահում գաղտնալսել աշխարհի բոլոր կոմունիկացիոն ցանցերն Ազգային անվտանգության ծառայության աշխատակիցների օգնությամբ, բայց մտնում են այսպես ասած արժեքների հանրության մեջ, ինչպես այդ ձևաչափը անվանել է Գերմանիայի կանցլեր Անգելա Մերկելը:
12 տարի առաջ ԱՄՆ-ը ներխուժել է Իրաք՝ ստելով զանգվածային ոչնչացման զենքի մասին և խախտել են միջազգային իրավունքի նորմերը, քանի որ գործոմ էին առանց ՄԱԿ-ի ԱԽ-ի մանդատի: Պատերազմը միայն պայմաններ է ստեղծել "Իսլամական պետության" բարբարոս-մարդասպանների համար, որոնք այսօր խոսում են խալիֆաթի մասին: Կուբայում, ամերիկյան Գուանտանամո բանտում 2002թ.-ից պահվում են ահաբեկչության մեջ մեղադրվողները՝ առանց դատարանի որոշման, մարդու իրավունքների խախտումներով: Բանտի փակումը նախատեսված չէ և դա՞ է արժեքների հանրույթը:
"ԱՄՆ-ը 2001թ.-ի սեպտեմբերի 11-ի ահաբեկչություններից հետո ահաբեկչության մեջ կասկածվողներին բանտերն է նետում: Այդ թվում Լեհաստանում ու Ռումինիայում: Տարիներ շարունակ ԱՄՆ-ը անօդաչուներ է օգտագործում այնպիսի սուվերեն երկրներում, ինչպիսիք են Պակիստանը, Սոմալին և Եմենը: Ահաբեկչության մեջ կասկածվողները օդից ռմբակոծվում են առանց դատարանի որոշման: Այդ ընթացքում զոհվում են խաղաղ բնակիչներ, այդ թվում երեխաներ: Մի՞թե դա է արժեքների հանրությունը: Եթե նայել արժեքների պատկերին, որին հավատարիմ է ԱՄՆ-ը, ապա հարց է ծագում՝ Վլադիմիր Պուտինը իրոք կարող էր հայտնվել Էլմաույում", - նշել է հոդվածագիրը:
