Բարդ մեկնարկ Լեհաստանում. Հայկ Մարտիրոսյանը մասնակցում է Ռուբինշտեյնի փառատոնին

Հայաստանի շախմատի ազգային հավաքականի անդամ Հայկ Մարտիրոսյանը միացել է Լեհաստանի Պոլյանիցա-Զդրույ քաղաքում մեկնարկած «Rubinstein Chess Festival 2026» միջազգային հեղինակավոր մրցաշարին՝ փորձելով ուժերը չափել աշխարհի ուժեղագույն խաղացողների հետ:

Մրցաշարի մեկնարկը հայ գրոսմայստերի համար դասավորվել է բարդ սցենարով, հայտնում է «Արմենպրես»-ը: Առաջին տուրում Մարտիրոսյանը բաժանել է միավորը մրցակցի հետ՝ պարտիան ավարտելով ոչ-ոքի, սակայն արդեն երկրորդ տուրում ստիպված է եղել ընդունել իր պարտությունը: Ստեղծված մրցաշարային իրավիճակը պահանջում է առավելագույն կենտրոնացում մնացած հանդիպումներում դրական արդյունք գրանցելու համար:

Ավանդական այս ստուգատեսն այս տարի հավաքել է ընդամենը տասը բարձրակարգ շախմատիստների, որոնք պայքարելու են շրջանաձև մրցակարգով՝ ինը տուրերի ընթացքում: Շախմատային փառատոնի հաղթողի անունը և վերջնական դասավորվածությունը հայտնի կդառնան օգոստոսի 23-ին կայանալիք եզրափակիչ պարտիաներից հետո: