Փորձագետ. Թուրքիան` ԱՄՆ–ի պիտբուլն է

Թուրքիան այժմ գտնվում է բարդ իրավիճակում և մոտակա տաս տարիների ընթացքում առկա իրավիճակը կարող է հանգեցնել այդ երկրի ֆիզիկական ոչնչացման։ Միակ բանը, ինչ կարող է պահպանել պետականությունն, այն էլ ոչ թե Էրդողանի, այլ ապագա սերունդների համար` իշխանության առավելագույն կենտրոնացումն է մեկ ձեռքերում, որը պետք է երկիրը դուրս բերի այդ իրավիճակից։ Այդ մասին pravda.ru–ին հայտնել է բուլղարացի քաղաքագետ Պլամեն Պասկովը։

Նրա խոսքով, Թուրքիայում այժմ առկա է մեծ հակասություն`15-20 միլիոն ալևիների ու մյուս սունիների միջև։ Ալևիներն ունեն ինտելեկտուալ և տնտեսական առավելություն, սակայն նրանք չեն մասնակցում երկրի կառավարմանը։ Թուրքիայում առկա են հակասություններ ծայրահեղականների ու իսլամիստների միջև`չմոռանանք նաև քրդական գործոնը։

«ԱՄՆ–ի իշխող էլիտայի տեսանկյունիցց`Թուրքիան կարևոր երկիր է։ Թուրքիան` ԱՄՆ–ի պիտբուլն է, որին նրանք կերակրել ու աճեցրել են։ Սակայն Էրդողանը «կտրել է» շղթաները։ Թուրքիան ԱՄՆ–ին անհրաժեշտ է առանց Էրդողանի»,–նշել է նա։

Ըստ նրա, Էրդողանի ֆիզիկական ոչնչացման փորձերը շարունակվելու են ու նա դա գիտակցում է։