Պապոյանը մտահոգություն է հայտնել հեղուկ գազի մատակարարման շուրջ իրավիճակի վերաբերյալ

Չնայած գազի մատակարարումները ծավալային առումով չեն խախտվել, էկոնոմիկայի նախարար Գևորգ Պապոյանը մտահոգություն է հայտնել դրա գնային կողմի վերաբերյալ։ Նա թեմային անդրադարձել է օգոստոսի 7-ին՝ կառավարության նիստից հետո կայացած ճեպազրույցի ժամանակ։

Էկոնոմիկայի նախարար Գևորգ Պապոյանն անդրադարձել է Ռուսաստանից Հայաստան հեղուկ գազի մատակարարման և Վրաստանի մաքսատանը առկա խնդիրներին։ Նախարարը նշել է, որ լրագրողների հարցումներին ի պատասխան, արդեն փոխանցել է համապատասխան տեղեկությունները Հայաստանի իրավապահ մարմիններին։

Միաժամանակ նշել է, որ ինքը չի վարել ուղղակի բանակցություններ վրացական կողմի հետ հեղուկ գազի հարցով։ Նախկինում նա շփվել է վրացի գործընկերների հետ՝ կոնյակի մատակարարման թեմայով։

Պապոյանը վստահեցրել է, որ Հայաստան ներկրվող հեղուկ գազի քանակական ցուցանիշները բավարար են, և մատակարարման ծավալների առումով խնդիրներ չեն եղել։ Խնդիրը, ըստ նրա, վերաբերում է գների հարցին, այլ ոչ թե առաքումների կայունությանը։