Չեզոք գոտուց ադրբեջանական գրոհայինների դիակները տարհանվել են

Այսօր ԵԱՀԿ գործող նախագահի անձնական ներկայացուցչի միջնորդությամբ կողմերի միջև ձեռք բերված լրացուցիչ պայմանավորվածության արդյունքում՝ ժամը 17:00-ի սահմաններում, Կարմիր խաչի միջազգային կոմիտեի և ԵԱՀԿ գործող նախագահի անձնական ներկայացուցչի դաշտային օգնականների մասնակցությամբ, ավարտվել է չեզոք գոտուց ադրբեջանական գրոհայինների դիակների տարհանման գործընթացը:

Արցախի հանրապետության պաշտպանության նախարարությունից տեղեկացնում են, որ տարհանման գործընթացն իրականացվել է համաձայն փետրվարի 25-ին ձեռքբերված պայմանավորվածության, այսինքն այնպես, ինչպես սկզբնական շրջանում պնդել է արցախյան կողմը:

Ավելի վաղ ԱՀ ՊՆ-ն հայտնել էր, որ չեզոք գոտուց ադրբեջանցիների դիերի դուրս բերման գործընթացը չի իրականացվել Բաքվի մեղքով։