Ընտանեկան բռնարարների վերականգնողական ծրագիրը կմեկնարկի 2026 թվականից

ՀՀ կառավարությունը հաստատել է ընտանեկան և կենցաղային բռնություն իրականացրած անձանց վերականգնման ծրագիրը: 2026 թվականից մեկնարկող նախագիծը նախատեսում է անհատական մոտեցում յուրաքանչյուր դեպքի համար և հատուկ օժանդակության կենտրոնների ստեղծում:

Աշխատանքի և սոցիալական հարցերի նախարարի տեղակալ Տաթևիկ Ստեփանյանի Ընտանեկան բռնարարների վերականգնողական ծրագիրը կմեկնարկի 2026 թվականից խոսքով՝ ծրագիրը կստեղծի բռնություն գործադրած անձանց վերականգնման իրավական հիմքը՝ նպաստելով զոհերի պաշտպանությանն ուղղված միջազգային պարտավորությունների կատարմանը: Աշխատանքները կիրականացնեն հատուկ վերապատրաստված սոցիալական աշխատողներ, հոգեբաններ և իրավաբաններ՝ ինչպես համայնքներում, այնպես էլ քրեակատարողական հիմնարկներում:

Ռումինիայի, Բուլղարիայի և Վրաստանի միջազգային փորձի հիման վրա մշակված ծրագիրը ներառում է տարբեր բաղադրիչներ՝ հոգեբանական օգնություն, վերականգնում, կախվածությունների բուժում և այլ ծառայություններ: Նախատեսվում է հիմնել առնվազն երկու կենտրոն, որոնցից յուրաքանչյուրին տարեկան կհատկացվի մինչև 7 միլիոն դրամ:

Վարչապետ Նիկոլ Փաշինյանը, անդրադառնալով նախաձեռնությանը, ընդգծել է ընտանեկան բռնության նկատմամբ հասարակական վերաբերմունքի փոփոխությունը. «Այն պատկերացումը, որ ընտանիքը փակ տարածք է, փոխվում է և պետք է փոխվի: Ընտանեկան պատերի անձեռնմխելիությունը գործում է այնքան ժամանակ, քանի դեռ չեն ոտնահարվում հասարակության շահերը: Փակ դռների հետևում ցանկացած տեսակի բռնություն ուղղակիորեն առնչվում է հասարակության շահերին, քանի որ ընտանեկան բռնությանը չարձագանքելը հանգեցնում է այլ՝ թե՛ կանխատեսելի, թե՛ անկանխատեսելի հետևանքների»:

Ծրագրի իրականացման նախապատրաստական աշխատանքները կմեկնարկեն 2025 թվականին: