Թաթոյանը Մոսկվայում հանդիպում է ունեցել հայ համայնքի հետ

ՀՀ նախկին ՄԻՊ Արման Թաթոյանը Մոսկվա այցի շրջանակներում Հայաստանյայց Առաքելական Սուրբ Եկեղեցու Ռուսաստանի և Նոր Նախիջևանի հայոց թեմի առաջնորդարանում նոյեմբերի 18-ին հանդիպում է ունեցել հայ համայնքի ներկայացուցիչների հետ։

Հանդիպմանը քննարկել են Հայաստանի իրավական և սահմանային անվտանգության մարտահրավերները (Սահմանադրական դատարանի 2024թ. սեպտեմերի 26-ի վտանգավոր որոշումը, «սահմանազատման» գործընթացը և այլն), ինչպես նաև այն, թե ինչ միջազգային մեխանիզմներ կարող են օգտատործվել հայ ժողովրդի իրավունքների և շահերի պաշտպանության համար:

Խոսվել է այն մասին, որ պետք է հետևողական պայքար տանել Հայաստանի և հայ ժողովրդի իրավունքների պաշտպանության ուղղությամբ և թույլ չտալ ոտնձգություններ հայկական ինքնության դեմ: Ապացույցներով հիմնավորվել է հայկականության դեմ ադրբեջանական ռասիզմի և ատելության շարունակվող քաղաքականությունը:

Հանդիպումը կազմակերպվել էր Հայ Առաքելական Սուրբ Եկեղեցու Ռուսաստանի և Նոր Նախիջևանի հայոց թեմի առաջնորդ Գերաշնորհ Տ. Եզրաս արքեպիսկոպոս Ներսիսյանի աջակցությամբ։