Վրաստանը պատրաստ է մոդերատոր լինել ՀՀ և Ադրբեջանի միջև բանակցությունների խթանման գործում

Վրաստանը պատրաստ է մոդերատոր լինել Հայաստանի և Ադրբեջանի միջև բանակցությունների խթանման գործում: Այս մասին լրագրողներին հայտնել է Վրաստանի վարչապետ Իրակլի Կոբախիձեն։

«Անհրաժեշտության դեպքում մենք պատրաստ ենք ավելի ակտիվ դեր խաղալ Ադրբեջանի և Հայաստանի միջև բանակցությունների առաջխաղացման գործում, բայց դա կախված է գործընկերների հետ խորհրդակցություններից», - ըստ վրացական լրատվամիջոցների ասել է նա Բաքվում COP29-ի շրջանակում: