Ալեքսանդր Պետրակովը հեռացվել է զբաղեցրած պաշտոնից

Ալեքսանդր Պետրակովը այլևս չի գլխավորի Հայաստանի ազգային հավաքականը: Այս մասին տեղեկացնում են Հայաստանի ֆուտբոլի ֆեդերացիայից:

"ՈՒԵՖԱ Ազգերի Լիգայի՝ հոկտեմբերի 13-ին կայացած Հայաստան-Հյուսիսային Մակեդոնիա հանդիպումից հետո Հայաստանի ազգային հավաքականի գլխավոր մարզիչ Ալեքսանդր Պետրակովը հեռացվել է զբաղեցրած պաշտոնից"։

Նշենք, որ երեկ Հայաստանի հավաքականը տանը Հյուսիսային Մակեդոնիայի հավաքականին պարտվեց 0:2 հաշվով: