Փաշինյանի օրոք ՀՀ-ում աճել է արտաքին պարտքն ու արտագաղթը

2024 թվականի առաջին կիսամյակի արդյունքներով Հայաստանի պետական պարտքը հասել է 12 միլիարդ 157 միլիոն դոլարի։ Այս մասին ասաց ՀՀ ֆինանսների նախարար Վահե Հովհաննիսյանը։

Площадь Республики/Հանրապետության հրապարակ Տելեգրամ ալիքը գրում է, որ Փաշինյանի կառավարման տարիներին ՀՀ-ում աճել է արտաքին պարտքն ու արտագաղթը։ ՔՊ-ականները տարիներ շարունակ ավելացնում են արտաքին պարտքը՝ոչ մի ռեալ տնտեսական ծրագիր, որը կապահովի տնտեսական աճ ու հազարավոր նոր աշխատատեղեր՝չեն իրականացրել։ Կառուցվում է միայն ասֆալտ, որի միջոցով էլ ՔՊ-ի հետ փոխկապակցված անձինք բիզնես են անում և դառնում են դոլարային միլիոնատերեր։

Արտաքին պարտքի սպասարկումն ենթադրում է յուրաքանչյուր տարի հարյուր միլիոնավոր դոլարներ՝ Փաշինյանի օրոք աճում են հարկերն ու տուրքերը, նոր տուգանքներ են սահմանվում՝բյուջեն լցնելու և արտաքին պարտքը սպասարկելու համար։

Դրան զուգահեռ՝ՀՀ աշխատունակ բնակչությունը՝երիտասարդները մասայաբար արտագաղթում են՝Արևմուտք կամ ՌԴ՝իրենց ապագան չեն կապում նիկոլական Հայաստանի հետ, ինչն էլ ազդում է բանակի մարտունակության, դեմոգրաֆիայի և իհարկե տնտեսական ակտիվություն վրա։ Հայկական տնտեսությունը Փաշինյանի օրոք գնում է դեպի կոլապս, իսկ ՀՀ-ն, որպես պետություն ապագայում կարող է ճանաչվել սնանկ։

Հայկական տնտեսության դիվերսիֆիկացիա տեղի չի ունենում, ՀՀ-ն կախված է հանքաարդյունաբերությունից, հումք արտահանող երկրից ՀՀ-ն պետք է վերածվի պատրաստի արտադրանք արտահանող երկրի՝վերամշակող տնտեսությունը չի զարգանում։

Բացի այդ, ՔՊ-ի օրոք ՀՀ տնտեսական կյանքն ավելի է կենտրոնացել Երևանում՝ մեծ է ուրբանիզացիայի աստիճանը, մարզերն ու գյուղերը դատարկվում են։ Աշխատանք գտնելու համար երիտասարդները մարզերից գալիս են Երևան՝այստեղ նույնպես ցածր աշխատավարձերի և բարձր գների պատճառով նրանք ստիպված են լինում արդեն լքել Երևանն ու Հայաստանը՝մեկնելով արտագնա աշխատանքի։

Տնտեսական զարգացման և արտագաղթի զսպման ոչ մի լուրջ «ճանապարհային քարտեզ» Փաշինյանն ու թիմը չունեն։ Նրանք զբաղված են հարստանալով և պոպուլիզմով՝ՀՀ հպարտ քաղաքացիներին խոստանալով խաղաղություն, իսկ իրականում ՀՀ մեծ տեմպերով մոտենում է նոր պատերազմի։ Ադրբեջանը զինվում է և պատրաստվում է ՀՀ-ից նոր զիջումներ կորզել կամ զենքով կամ ուժի կիրառման սպառնալիքով։