«Հաղորդակցության զարգացման միջազգային ինստիտուտ» մարդասիրական հիմնադրամը (“МИР” հիմնադրամ, Հայաստան) Հաղորդակցության զարգացման ազգային հետազոտական ինստիտուտի (НИИРК, Ռուսաստան) հետ համատեղ նոյեմբերի 7-11-ը Երևանում կանցկացնի «Զարգացման առաջնորդների ֆորում-2024. ինտելեկտուալ առաջնորդություն»:
“МИР” հիմնադրամը սկսում է ֆորումին մասնակցության հայտերի ընդունելությունը:
Զարգացման առաջնորդների ֆորումը միջազգային նորարարական նախագիծ է Հայաստանի բոլոր մարզերի երիտասարդների համար, որի նպատակն է առաջնորդության հմտությունների համակողմանի զարգացումը։ Զարգացման առաջնորդների առաջին ֆորումը անցկացվել է 2023 թ. Գյումրիում, որը նվիրված էր Հայաստանի զանազան տարածքների զարգացման գաղափարների մշակմանը։
2024 թ. Զարգացման առաջնորդների ֆորումի թեման ինտելեկտուալ առաջնորդությունն է։
Ֆորումի շրջանակներում երիտասարդ առաջնորդները կկարողանան մասնակցել ինտելեկտուալ առաջնորդության, մենթորության և նախագծային աշխատանքի թեմաներով վարպետության դասերի, դասախոսությունների և թիմային խաղերի։ Ֆորումի մասնակիցները նաև կծանոթանան երիտասարդների շրջանում ինտելեկտուալ առաջնորդության հաջողված օրինակներին և գիտական, կրթական, երիտասարդական և մեդիա-գործունեության ոլորտի փորձագետների հետ միասին կմշակեն նախագիծ իրենց երիտասարդական ակումբի համար: Համաժողովում որպես բանախոս հանդես կգան պետական կառույցների ներկայացուցիչներ, գործարարներ, գիտնականներ, քաղաքական և հասարակական գործիչներ:
Երիտասարդական ինտելեկտուալ ակումբների ստեղծման նպատակն է ընդլայնել երիտասարդների ներգրավվածությունը ակումբային գործունեության մեջ, ինչը խթան կհանդիսանա Հայաստանի նորարարական զարգացման համար։ Ժյուրիի կողմից ընտրված լավագույն նախագծերը կաջակցվեն Ֆորումի կազմակերպիչների կողմից: Բոլոր մասնակիցները կստանան մասնակցության վկայականներ։
Ֆորումի մասնակիցների գիշերակացը և սնունդը ապահովում են կազմակերպիչները:
Ֆորումի աշխատանքային լեզուներն են հայերենը և ռուսերենը:
Մասնակիցների ցուցակը ձևավորվում է հայտերի մրցույթի հիման վրա։
Ֆորումին մասնակցելու և գրանցվելու համար անցե՛ք հետևյալ հղումով՝ https://goo.su/zhrrI9 :
Հայտերի առաջնահերթությունը կախված է Կազմկոմիտեի կողմից դրանց ստանալու հաջորդականությունից:
Բոլոր թեկնածուները մրցույթի արդյունքների մասին կտեղեկացվեն էլեկտրոնային փոստով:
![](https://scontent.fevn6-5.fna.fbcdn.net/v/t39.30808-6/458523710_8291179560965264_455249575987383627_n.jpg?_nc_cat=105&ccb=1-7&_nc_sid=127cfc&_nc_ohc=oOkSK5CrKW8Q7kNvgGchQp8&_nc_ht=scontent.fevn6-5.fna&oh=00_AYCKptv3AO4VfCnQN2_hSX1y8gTebJMnr3FlsVfOfJaG_w&oe=66DF3C1E)
Ի՞նչ հնարավորություններ է տալիս Զարգացման առաջնորդների ֆորումը.
• հայտնել Ձեր մասին որպես Հայաստանի մարզերից երիտասարդ առաջնորդ,
• ծանոթանալ հայտնի մարդկանց հետ,
• դառնալ նախաձեռնող թիմի անդամ,
• ստանալ նախագծերի աջակցություն:
Ո՞վ կարող է դառնալ մասնակից.
• 20-35 տարեկան Հայաստանի բնակիչներ՝ ակտիվ ապրելակերպով, սոցիալական ուղղվածություն ունեցող ծրագրեր իրականացնելու ցանկությամբ և ռուսերենի իմացությամբ:
Անցկացման վայրը և ամսաթիվը.
• Երևան, 2024 թ. նոյեմբերի 7-11 (ժամանման և մեկնման օրերը ներառյալ)։
Ինչպե՞ս մասնակցել.
• լրացրե՛ք հայտը հետևյալ հղումով՝ https://goo.su/zhrrI9:
Բոլոր թեկնածուները մրցույթի արդյունքների մասին կտեղեկացվեն էլեկտրոնային փոստով:
*Կազմակերպիչները ապահովում են երկտեղանոց սենյակներում կացությունը, սնունդը և մշակութային ծրագիրը: