Ապօրինի կառուցված և նորմերին չհամապատասխանող որևէ լցակայան Երևանում չպետք է լինի. Ավինյան

Երևան քաղաքում 2023 թվականի ընթաքում ապամոնտաժել ենք բնակելի շենքերի հարակից տարածքներում գտնվող 25
գազաբենզալցակայան: Այս մասին հայտնում են Երևանի քաղաքապետարանից:

Երեկ Երևան-Սևան մայրուղու գազալցակայանում տեղի ունեցած պայթյունին անդրադարձել է նաև Երևանի քաղաքապետ Տիգրան Ավինյանը.

"Մեզ համար մարդկանց անվտանգությունն ու ապահովությունն առաջնահերթ են, և նախևառաջ հենց այդ նկատառումով ենք անում աշխատաքները: Գործընթացն իրականացվելու է նաև այս տարի և հետևողականորեն շարունակվելու է:

Ապօրինի կառուցված և քաղաքաշինական նորմերին չհամապատասխանող որևէ գազաբենզալցակայան Երևանում չպետք է լինի:

Շուտափույթ ապաքինում եմ մաղթում Երևան-Սևան ավտոճանապարհի գազաբենզալցակայանում պայթյունի հետևանքով տուժած քաղաքացիներին",- ասված է Ավինյանի հայտարարության մեջ:

Նշենք, որ պայթյունի հետևանքով տուժել է յոթ քաղաքացի, երկու վիճակը բժիշկները գնահատում են ծանր: