Ալիևն ու Փաշինյանը կմասնակցեն հոկտեմբերի վերջին Բրյուսելում եռակողմ հանդիպմանը. Միշել

Ալիևն ու Փաշինյանը պայմանավորվել են մասնակցել հոկտեմբերի վերջին Բրյուսելում կայանալիք եռակողմ հանդիպմանը։ Այս մասին հայտարարել է Եվրախորհրդի նախագահ Շառլ Միշելը։

«Ես հրավիրել եմ և՛ Հայաստանի, և՛ Ադրբեջանի ղեկավարներին, և երկու ղեկավարներն էլ հաստատել են, որ կմասնակցեն այս հանդիպմանը», - Գրանադայում ԵՄ ոչ պաշտոնական գագաթնաժողովին ժամանելուն պես լրագրողներին ասաց Միշելը։

Նշենք, որ Եվրոպական խորհրդի ղեկավար Շառլ Միշելը երեկ Գրանադայում հայտնել էր, որ Ադրբեջանի նախագահ Իլհամ Ալիևին և Հայաստանի վարչապետ Նիկոլ Փաշինյանին հրավիրում է հոկտեմբերի վերջին Բրյուսելում կայանալիք հանդիպմանը։