Մարտերը Արցախի շփման գծի ողջ երկայնքով շարունակվում են. Արցախի ՊԲ

Արցախի ՊԲ-ից հայտնում են, որ մարտերը շփման գծի ողջ երկայնքով շարունակվում են։

«Ադրբեջանի զինված ուժերը կիրառում են հրետանի և հրթիռներ, հարվածային անօդաչու թռչող սարքեր և մարտական ​​ինքնաթիռներ: Իրավիճակի հետագա զարգացման դեպքում ՊԲ մամուլի ծառայությունը կհրապարակի լրացուցիչ հաղորդագրություն»,- ասված է Արցախի ՊՆ հաղորդագրության մեջ։

VERELQ-ը հիշեցնում է, որ սեպտեմբերի 19-ի առավոտյան Բաքուն նախ մեղադրել է Լեռնային Ղարաբաղի պաշտպանության բանակին դիվերսիոն գործողություններ իրականացնելու մեջ, որոնց հետևանքով իբր 6 ադրբեջանցի է զոհվել, իսկ հետո Ղարաբաղում հայտարարել «հակաահաբեկչական միջոցառումներ» իրականացնելու մասին։

Այս պահին Արցախում խաղաղ բնակչության շրջանում կան բազմաթիվ զոհեր և վիրավորներ, այդ թվում՝ երեխաներ։