«Գազպրոմ Արմենիան» ավարտել է Երևանում գազատարների կառուցման 65 տոկոսը

«Գազպրոմ Արմենիա» խոշոր էներգետիկ ընկերությունը հաջողությամբ ավարտել է Հայաստանի մայրաքաղաք Երևանում նախատեսված 40 կիլոմետրանոց գազատարներից 26-ի շինարարությունը։ Այս մասին Երևանի ավագանու նիստում հայտարարել է Երևանի քաղաքապետի խորհրդական Կամո Արեյանը։

Սկզբում նախատեսվում էր կառուցել 25 կիլոմետր գազատար, սակայն ծրագիրը ընդլայնվեց մինչև 40 կիլոմետր՝ հաշվի առնելով գազամատակարարում պահանջող նոր շենքերի աճող թիվը։

«Հինգ ամսում կառուցվել է 26 կիլոմետր, ինչը թույլ է տալիս հուսալ, որ ծրագիրը կավարտվի մինչև տարեվերջ: Այս նախագիծը բարդ է, քանի որ պահանջում է ենթակառուցվածքների տեղադրում քաղաքի օբյեկտների և փողոցների միջև: Սակայն սա կարեւոր աշխատանք է մայրաքաղաքի համար»,- օգոստոսի 14-ին շեշտել է քաղաքապետի խորհրդականը։

Հիշեցնենք, որ «Գազպրոմ Արմենիա»-ի ներդրումային ծրագիրը հաստատվել է հունիսին։ Առաջին 40 կիլոմետրանոց գազատարները պետք է կառուցվեն ընթացիկ 2023 թվականին, իսկ մինչև 2026 թվականը ընկերությունը նախատեսում է գազային համակարգին միացնել 490 նոր շենք։

Գազաբաշխիչ ցանցերի և կայանների կառուցումը կսկսվի Երևանի հյուսիսարևելյան հատվածից, այնուհետև կտեղափոխվի հարավ-արևմտյան, հարավային և կավարտվի քաղաքի արևելքում։