Դպրոցներում կուսուցանվի «Արցախի պատմություն» առարկան. նախարար

Արցախի Հանրապետության հանրակրթական դպրոցներում նոր ուսումնական տարվանից կուսուցանվի «Արցախի պատմություն» առարկան, «Արցախպրես»-ի հետ զրույցում ասել է Արցախի Հանրապետության կրթության, գիտության, մշակույթի և սպորտի նախարար Նորայր Մկրտչյանը:

Նա ընդգծել է, որ Արցախի պատմության ծրագիրը կազմվում է այն տրամաբանությամբ, որ ժամանակագրական առումով փոխլրացնելով Հայոց պատմությունը, այդ համատեքստում տեղայնացվեն Արցախին վերաբերող իրադարձությունները:

«Նախատեսվում է, որ առաջին փուլում այն կուսուցանվի միայն 8-9-րդ դասարաններում, սակայն հետագայում կներառվի նաև այլ դասարանների ուսումնական ծրագրում»,- ասել է Նորայր Մկրտչյանը: