Հայաստանն Արցախին 2,9 միլիարդ դրամի չափով վարկ կտրամադրի

Հայաստանն Արցախին 2,9 միլիարդ դրամի չափով նոր վարկ կտրամադրի։ Համապատասխան որոշման նախագիծն այսօր ընդունվեց Կառավարության նիստում։

Նախատեսվում է Հայաստանի 2023 թվականի պետական բյուջեի հարկային եկամուտներից 2.9 մլրդ դրամի չափով միջպետական վարկ տրամադրել Լեռնային Ղարաբաղին՝ հետպատերազմյան ժամանակահատվածում Լեռնային Ղարաբաղի տարածքում ստեղծված սոցիալական լարվածության մեղմմանն ուղղված լրացուցիչ ֆինանսավորման համար։