Քննարկվել են Հայաստանի և Բրազիլիայի տնտեսական հարաբերությունների ընդլայնման ուղիները

Փոխվարչապետ Մհեր Գրիգորյանն ընդունել է Բրազիլիայի Դաշնային Հանրապետության արտակարգ և լիազոր դեսպան Ֆաբիո Վազ Պիտալուգային:

Կառավարությունից հայտնում են, որ ողջունելով դեսպանին՝ փոխվարչապետը նշել է հայ-բրազիլական երկկողմ համագործակցության զարգացման չիրացված ներուժի մասին, ընդգծել առևտրատնտեսական հարաբերությունների ընդլայնման հնարավորությունները:

Զրուցակիցները քննարկել են տարածաշրջանային զարգացումներին առնչվող հարցեր, ինչպես նաև մտքեր փոխանակել Հայաստանում մի շարք ոլորտներում տեղի ունեցող բարեփոխումների շուրջ: