Երևանն ու Աստանան մտադիր են զարգացնել գործընկերային կապերը

Երևանի քաղաքապետի առաջին տեղակալ, քաղաքապետի պաշտոնակատար Լևոն Հովհաննիսյանը հանդիպել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևի հետ:

Կողմերն անդրադարձել են Երևանի և Աստանայի միջև նախանշվող համաձայնագրի ստորագրմանը՝ ընդգծելով, որ այն հնարավորություն կտա առարկայական գործակցություն ծավալել հստակ ուղղություններով:

Առաջիկայում կձևավորվեն աշխատանքային խմբեր, որոնք կնախապատրաստեն փաստաթղթի ստորագրումը: