Առաջնահերթ խնդիրներից է Լաչինի միջանցքի շուրջ ստեղծված իրավիճակի կարգավորումը. Լավրով

Առաջնահերթ խնդիրներից է Լաչինի միջանցքի շուրջ ստեղծված իրավիճակի կարգավորումը։ Այս մասին հայտարարել է ՌԴ ԱԳ նախարար Սերգեյ Լավրովը Հայաստանի արտգործնախարար Արարատ Միրզոյանի հետ հանդիպմանը։

«Մենք զգալի ուշադրություն ենք դարձնելու տարածաշրջանային անվտանգության հարցերին, առաջնահերթություններից է Լաչինի միջանցքի և, ընդհանրապես, Լեռնային Ղարաբաղի շուրջ ստեղծված իրավիճակի կարգավորումը»,- ասել է Լավրովը։

Նրա խոսքով, կասկածից վեր է, որ Հայաստանի, Ադրբեջանի և Ռուսաստանի ղեկավարների եռակողմ հայտարարությունները մնում են բոլոր որոշումների իրականացման բանալին՝ ի շահ տնտեսական, ռազմաքաղաքական, իրավիճակի կայունացման, և միջազգային իրավական ոլորտները։

«Մենք պատրաստ ենք, ինչպես գրված է եռակողմ հայտարարություններում, հնարավոր աջակցությունը ցուցաբերել տրանսպորտային հաղորդակցությունների ապաշրջափակման, հայ-ադրբեջանական սահմանի սահմանազատման և խաղաղության պայմանագրի պարամետրերը համաձայնեցնելու հարցում»,- ասել է ՌԴ ԱԳ նախարարը։