Երկրաշարժ Իրանում. այն զգացվել է Սյունիքի, Վայոց ձորի և Արարատի մարզերում

Սույն թվականի մարտի 16-ին, տեղական ժամանակով ժամը՝ 15:47-ին (Գրինվիչի ժամանակով ժամը՝ 11:47-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 38.32⁰ և արևելյան երկայնության 45.32⁰ աշխարհագրական կոորդինատներով, օջախի 10 կմ խորությամբ, 5․1 մագնիտուդով երկրաշարժ՝ ԻԻՀ Խոյ քաղաքից դեպի 41 կմ հարավ-արևմուտք:

Էպիկենտրոնային գոտում ստորգետնյա ցնցման ուժգնությունը կազմել է 7 բալ:

Երկրաշարժը զգացվել է Սյունիքի, Վայոց ձորի և Արարատի մարզերում, Երևան քաղաքում և Արցախի Հանրապետության տարածքում։