Մոսուլն ազատագրելու փորձը կարող է վերածվել Երրորդ համաշխարհային պատերազմի. Թուրքիայի փոխվարչապետ

Իրաքի Մոսուլ քաղաքը ազատագրելու փորձերը երրորդ ուժերի ձեռքով տարվող նոր պատերազմի առիթ չեն, ինչը կարող է հանգեցնել աղետալի հետեւանքների, այդ թվում՝ Երրորդ համաշխարհային պատերազմի։ Այս մասին ասել է Թուրքիայի փոխվարչապետ Նուման Քուրթուլմուշը, փոխանցում է Anadolu–ն։

«Մի կողմից մենք պայքարում ենք Ֆեթուլլահ Գյուլենի ահաբեկչական շարժման եւ ԻՊ ահաբեկիչների դեմ, իսկ մյուս կողմից ստիպված ենք հակազդել Սիրիայի եւ Իրաքի քաոսին»,– ասել է փոխվարչապետը։

Խոսելով Իրաքի՝ մեծությամբ երկրորդ քաղաքի ազատագրումից՝ նա նշել է, որ այդ հարցն անմիջականորեն վերաբերում է Թուրքիայի շահերին, ճիշտ այնպես, ինչպես Հալեպի եւ Դամասկոսի ապագան։