«Դոն Ժուան» օպերայի բեմադրությունը նախատեսվում է սեպտեմբերին. Հասմիկ Պապյան

Երևանի Կոմիտասի անվ. կոնսերվատորիայի օպերային ստուդիան մեծ նախագիծ ունի՝ իրականացնել Մոցարտի «Դոն Ժուան» օպերայի բեմադրությունը, սեպտեմբեր ամսին, ամբողջապես կոնսերվատորիայի ուսանող երաժիշտների և երգիչների ուժերով։ Այս մասին տեղեկացնում է ՀՀ ժողովրդական արտիստ, օպերային երգչուհի Հասմիկ Պապյանը:

«Գերմանիայից մեզ են միացել հրաշալի դիրիժոր Ալեքսանդր Իրադյանը և դաշնակահարուհի-ռեժիսոր Լուսինե Խաչատրյանը։

Այս պահին մեզ անհրաժեշտ է համալրել նվագախմբի կազմը՝ լարային և փողային բոլոր հնարավոր գործիքներով։ Ովքեր որ կցանկանան մեզ միանալ, մասնակցելու այս հանճարեղ օպերայի բեմադրությունն իրականացնելու գործին, միայն ուրախ կլինենք։

Օգոստոսի 23-ին, ժամը 13։00-16:00-ը աշխարհահռչակ ջութակահար Սերգեյ Խաչատրյանը վարպետության դաս կանցկացնի օպերային ստուդիայում։ Նրան կմիանա նաև իր կինը, ալտահար՝ Անժելա Գարսիա Լոպես-Խաչատրյանը։

Սիրով սպասում ենք»,- գրել է Պապյանը։