ԱՄՆ-ն մտահոգված է ԼՂ-ում տիրող իրավիճակով․ Պետդեպ

Միացյալ Նահանգները խորապես մտահոգված է և ուշադրությամբ հետևում է հաղորդումներին՝ Լեռնային Ղարաբաղի շուրջ ընթացող ինտենսիվ, զոհերի և մարդկային կորուստներով ուղեկցվող ռազմական գործողությունների վերաբերյալ:

ԱՄՆ Պետքարտուղարությունը ստեղծված իրավիճակի վերաբերյալ հանդես է եկել հայտարարությամբ. «Մենք կոչ ենք անում անհապաղ քայլեր ձեռնարկել լարվածությունը նվազեցնելու և հետագա սրացումից խուսափելու համար։ Լարվածության վերջին աճն ընդգծում է Լեռնային Ղարաբաղի հակամարտության հետ կապված կամ դրանից բխող մնացած հարցերի բանակցային, համապարփակ և կայուն կարգավորման անհրաժեշտությունը»: