Աղաջանյան. Ընթանում են բանակցություններ Փաշինյան-Ալիև հանդիպման կազմակերպման վերաբերյալ

Ընթանում են բանակցություններ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի  հանդիպման կազմակերպման վերաբերյալ:

Այս մասին այսօր՝ հուլիսի 26-ին, ճեպազրույցում հայտարարեց Հայաստանի խորհրդարանի արտաքին հարաբերությունների հանձնաժողովի նախագահ, իշխող «Քաղաքացիական պայմանագիր» կուսակցության վարչության անդամ Էդուարդ Աղաջանյանը։

«Վերջին շրջանում բավականին ակտիվ գործունեություն է իրականացվում դիվանագիտական հատվածում, հանդիպումները բավականին հաճախ են ու տարբեր ձևաչափերով: Այո՛, որքանով տեղյակ եմ՝ կան բանակցություններ, որ որոշ ժամանակ անց պետք է հանդիպում տեղի ունենա Հայաստանի ու Ադրբեջանի ղեկավարների միջև։ Ժամկետների մասով չեմ կարող ասել ոչինչ», - ասաց նա։