29.03.2024
Պետական բյուջեի եկամուտները և ծախսերը կավելանան 40 մլրդ դրամի չափով
prev Նախորդ նորություն

Նորություններ գործընկերներից

Սա շատ կարևոր համաձայնագիր է. ԱՄՆ-ն ՀՀ-ին 120 միլիոն դոլարի դրամաշնորհ կտրամադրի

Սա շատ կարևոր համաձայնագիր է. այս մասին կառավարության այսօրվա նիստում հայտարարեց վարչապետ Նիկոլ Փաշինյանը՝ ներկայացնելով Հայաստանի Հանրապետության կառավարության և Ամերիկայի Միացյալ Նահանգների Միջազգային զարգացման գործակալության միջև նախատեսվող դրամաշնորհային համաձայնագիրը։


Համագործակցության շրջանակներում Վաշինգտոնը 120 միլիոն դոլարի դրամաշնորհ կտրամադրի Երևանին, որի նպատակն է աջակցել Հայաստանին ժողովրդավարության և տնտեսական կայունության ամրապնդմանն ուղղված բարեփոխումների գործընթացում:


Ըստ այդմ, 68, 565 մլն դոլար ուղղվելու է ժողովրդավարության խթանմանը, իսկ 51,435 մլն դոլարը՝ տնտեսական անվտանգության բարելավման համար: Նախագծում նշված է.


«Հաշվի առնելով COVID-19 համավարակով և Լեռնային Ղարաբաղի դեմ սանձազերծած պատերազմով պայմանավորված ցնցումները, ինչպես նաև 2021թ. կայացած արդար և թափանցիկ խորհրդարանական ընտրությունները՝ սույն փաստաթղթով Ամերիկայի Միացյալ Նահանգները հանձնառություն է վերցնում աջակցելու Հայաստանի Հանրապետությանը՝ արդյունավետ և հաշվետու կառավարման կայացման, ժողովրդավարական ձեռքբերումները պահպանելու, ինչպես նաև տնտեսական մարտահրավերները հաղթահարելու ուղղություններով»։


Նիկոլ Փաշինյանը հավելեց.


«Մենք թվային բարեփոխումների շատ կարևոր մի փուլում ենք ու քաղաքական առումով չպետք է մոռանանք խնդրի մասին, որն ունենք. ընտրական գործընթացը պետք է տեղի ունենա մեկ միասնական փաստաթղթով ու դա պետք է լինի նույնականացման քարտը, սա շատ կարևոր է, ու ես ուզում եմ, որ մենք կենտրոնանանք այս խնդրի վրա»։


 


 

ՀՀ գլխավոր դատախազ Արթուր Դավթյանը մեկնել է Բելառուս
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար