Մահացել է Ռաֆայել Քոթանջյանը

Մահացել է սիրված դերասան Ռաֆայել Քոթանջյանը:

ՀԽՍՀ վաստակավոր արտիստ, ՀՀ ժողովրդական արտիստը ծնվել է Թբիլիսիում 1942 թվականի սեպտեմբերի 9-ին, ապա 1946 թվականին տեղափոխվել է Երևան։

1960- 1964 թվականներին սովորել է Երևանի գեղարվեստա-թատերական ինստիտուտի դերասանական ֆակուլտետում։

1964-1966 թվականներին որպես դերասան և ռեժիսոր աշխատել է Զանգեզուրի Շիրվանզադեի անվան թատրոնում։ 1966-1968 թվականներին եղել է «Արշալույս» երիտասարդական թատրոնի դերասան։ 1968-1970 թվականներին հաճախել է հեռուստատեսային ռեժիսուրայի բարձրագույն կուրսերի Մոսկվայում։ 1970-1993 թվականներին աշխատել է Երևանի Հրաչյա Ղափլանյանի անվան դրամատիկական թատրոնում՝ որպես դերասան և ռեժիսոր։

VERELQ խմբագրակազմը ցավակցում է Քոթանջյանի ընտանիքին ու հարազատներին: