Ազգային ժողովը գումարել է արտահերթ նիստ

Կառավարության նախաձեռնությամբ գումարվել է Ազգային ժողովի արտահերթ նիստ։ Խորհրդարանական ընդդիմությունը նիստը բոյկոտում է։

Օրակարգում 14 հարց է, մեծ մասը՝ 9 հարց, նախատեսվում է քննարկել արագացված ռեժիմով։ Եվս 5 հարց, որոնք քննարկվել են նախորդ արտահերթ նիստի շրջանակներում, կընդունվի երկրորդ եւ վերջնական ընթերցմամբ:

Օրինագծերի թվում, որոնք նախատեսվում է ընդունել միայն երկրորդ ընթերցմամբ՝ "Ապօրինի գույքի բռնագրավման մասին" օրենքի փոփոխությունները, Դատական օրենսգրքում փոփոխությունների եւ 95 հարակից օրենքների ընդգրկուն փաթեթը: