Հայաստանում աճել է 7,2%-ով. ԵԱՏՄ բոլոր երկրներում արտաքին պարտքը ՀՆԱ-ի նկատմամբ նվազել է

Ողջ Եվրասիական տնտեսական միության արտաքին պարտքը 2022 թվականի հունվարի 1-ի դրությամբ կազմել է ընդհանուր ՀՆԱ-ի 34,5%-ը։ Այս մակարդակը ցածր է նախորդ տարվա սկզբի ծավալից 5,4 տոկոսային կետով:

Անվանական արտահայտությամբ ԵԱՏՄ արտաքին պարտքն աճել է 2,1%-ով և հասել 709,8 մլրդ դոլարի։ Ամբողջ ԵԱՏՄ-ի արտաքին պարտքը 2022 թվականի հունվարի 1-ի դրությամբ կազմել է 709,8 մլրդ ԱՄՆ դոլար և 2021 թվականի հունվարի 1-ի համեմատ աճել 2,1%-ով կամ 14,5 մլրդ ԱՄՆ դոլարով։ Արտաքին պարտքի աճ նկատվել է բոլոր անդամ երկրներում, բացառությամբ Բելառուսի։ Հայաստանում աճը կազմել է 7,2%, Ղազախստանում՝ 0,3%, Ղրղզստան՝ 2,3%, Ռուսաստանում՝ 2,8%։ Բելառուսում արտաքին պարտքը նվազել է 0,2%-ով։

Անդամ երկրների մեծ մասում պարտքի աճի ամենաբարձր տեմպերը դիտվել են դրամավարկային հատվածում (1,8 - 2,6 անգամների միջակայքում)։

Արտաքին պարտքի կառուցվածքը տարբերվել է ԵԱՏՄ անդամ երկրներում. 2022 թվականի հունվարի 1-ի դրությամբ Հայաստանում, Բելառուսում և Ղրղզստանում գերակշռում է պետական ​​պարտքը, Ղազախստանում ուղղակի ներդրումների պարտքը, իսկ Ռուսաստանում՝ այլ հատվածների պարտքը։