Գործադիրը 2 մլրդ դրամ կհատկացնի Շիրակում և Լոռիում պարեկային ծառայության ներդրման համար

Հայաստանի կառավարության մարտի 17-ի որոշմամբ ավելի քան 2 մլրդ դրամ կհատկացվի ոստիկանությանը Շիրակի և Լոռու մարզերում պարեկային ծառայության ներդրման համար:

Համաձայն որոշման, պարեկային ծառայությունը երկու մարզերում կգործի ապրիլ ամսվա ընթացքում։

«նախագծով նախատեսվում է ծրագրով սահմանված հատկացումներն ավելացնել 2 միլիարդ 35 միլիոն դրամ։ Մասնավորապես, 289 միլիոն 900 հազար դրամ հատկացնել 2022 թվականին ապրիլին Լոռու և Շիրակի մարզերում գործարկվող նոր պարեկային ծառայության համար 140 տրանսպորտային միջոց ձեռք բերելու համար, 67 միլիոն 200 հազար դրամ այդ մեքենաների կահավորման համար, 1 միլիարդ 670 միլիոն 100 հազար դրամ վարչական սարքավորումներ ձեռք բերելու համար»,- ասաց Ոստիկանության պետ Վահե Ղազարյանը։

ՀՀ վարչապետ Նիկոլ Փաշինյանը իր հերթին նշեց, որ ապրիլից Լոռու և Շիրակի մարզում գործարկվող նոր պարեկային ծառայությունը Կառավարության համար շատ կարևոր նշանակություն ունեցող բարեփոխում է։

Նա նաև կոչ արեց նաև կանանց դիմել պարեկային ծառայության համալրման մրցույթներին։