Քրիստինե Գրիգորյանն ընտրվել է մարդու իրավունքների նոր պաշտպան

Հայաստանի խորհրդարանը մարդու իրավունքների նոր պաշտպան է ընտրել արդարադատության նախկին փոխնախարար Քրիստինե Գրիգորյանին: Փակ քվեարկության արդյունքում նրա թեկնածությանը կողմ է քվեարկել 68 պատգամավոր, դեմ չի քվեարկել ոչ ոք:

Քրիստինե Գրիգորյանի թեկնածությունն առաջադրել է «Քաղաքացիական պայմանագիր» խմբակցությունը: Քննարկումների արդյունքում ընդդիմադիր «Հայաստան» եւ «Պատիվ ունեմ» խմբակցությունները, եկել են այն եզրակացության, որ Քրիստինե Գրիգորյանին առաջադրելիս, ի սկզբանե դրել են շրջանակներ, դե-ֆակտո արգելելով անդրադառնալ իշխանությունների գործողություններին:

Նման տեսակետների հիմնավորում ընդդիմադիրները համարեցին այն հանգամանքը, որ Գրիգորյանը հնարավորինս փորձում էր շրջանցել ընդդիմադիր գործիչների ձերբակալություններին, ընդդիմության հասցեին հայհոյանքների ու սպառնալիքների օգտագործմանը վերաբերող ուղղակի սուր հարցերը։