Հայաստանում կորոնավիրուսով վարակվծների թիվը կշարունակի աճել. Ավանեսյան

Անցած շաբաթ Հայաստանում  կորոնավիրուսային վարակի դեպքերի աճ ենք ունեցել։ Այս մասին լրագրողների հետ հանդիպման ժամանակ ասաց ՀՀ առողջապահության նախարար Անահիտ Ավանեսյանը։

«Ելնելով COVID-19-ի վերարտադրման տեմպերից՝ կարծում ենք, որ միտումը կշարունակվի այս շաբաթ ևս: Ներկայումս երկրում ակտիվորեն տարածվում է օմիկրոն շտամը, որն ավելի վարակիչ է», - բացատրեց նա:

VERELQ-ը հիշեցնում է, որ վերջին մեկ օրվա ընթացքում Հայաստանում կորոնավիրուսով վարակվածների թիվն ավելացել է 688-ով: Ընդհանուր վարակվածների թիվը հասել է 352 399-ի։