Վրաստանը մեղադրում է Ռուսաստանին Արևմուտքի դեմ տեղեկատվական արշավի մեջ

Խորհրդարանական պաշտպանության և անվտանգության հանձնաժողովի այսօրվա նիստում քննարկվել են գլոբալ և տարածաշրջանային անվտանգության միջավայրը, առկա և սպասվող սպառնալիքներն ու մարտահրավերները։

Այս առնչությամբ պատգամավորներին տեղեկատվություն են տրամադրել Վրաստանի հետախուզական ծառայության եւ պաշտպանության նախարարության ներկայացուցիչները։ Ինչպես լրագրողներին հայտնել է Վրաստանի պաշտպանության ուժերի ռազմական հետախուզության վարչության պետ, գնդապետ Գիորգի Բլիաձեն, իրենց խնդիրն է բացահայտել սպառնալիքները և ապահովել, որ տեղեկատվությունը ղեկավարությանը տրամադրվի ընկալելի, հասկանալի ձևով։

«Նաեւ մեր խնդիրն է միտումներ ձեւավորելն ու հնարավոր զարգացումները կանխատեսելը։ Ես ձեռնպահ կմնամ իրական սպառնալիքների մասին խոսելուց, կկենտրոնանամ հիբրիդային սպառնալիքների վրա, որոնք շարունակվում են։ Ռուսաստանի էության մեջ է սինխրոն գործողություններ իրականացնել բացարձակապես բոլոր ուղղություններով՝ դիվանագիտական, տնտեսական, ռազմական և տեղեկատվական տարածք։ Այս փուլում մենք հատուկ ակտիվություն ենք տեսնում տեղեկատվական տարածքում, որտեղ ապատեղեկատվական կամպանիա և քարոզչություն է իրականացվում ընդդեմ Արևմուտքի և հօգուտ Ռուսաստանի», – ասել է Բլիաձեն։