Verelq-ի խմբագրությունը շնորհավորում է իր ընթերցողներին Նոր տարվա առթիվ

Սիրելի ընթերցողներ,

Սրտանց շնորհակալ ենք ձեզ, որ անցնող տարում դուք մեզ հետ էիք։ Մենք, մեր հերթին, փորձել ենք, առավելագույնս լիարժեք և օբյեկտիվ լուսաբանել մեր երկրում տեղի ունեցող իրադարձությունները։

2021 թվականին աշխատելը հատկապես դժվար էր, քանի որ, ցավոք, բացասական լուրերը ստվերում թողեցին մյուս բոլոր դրական իրադարձությունները։ Բայց մեր թիմը ոչ միայն դիմացավ, այլև բարձր պահեց ստուգված և հրատապ լրատվություն հայտնողի նշաձողը՝ չնայած իր սակավաթիվ լինելուն և հայկական մեդիա տարածքում բարձր մրցակցությանը։

Անշուշտ, Verelq-ի լրատվանակն և վերլուծական բովանդակության որակը միայն շահել է ձեր ուշադրությունից։ Մենք շնորհակալ ենք ձեր զանգերի և խմբագրություն հղած նամակների, տեղի ունեցող իրադարձությունների մասին հաղորդագրությունների, ինչպես նաեւ ձեր կարծիքների համար, որոնք մեզ՝ լրագրողներիս համար, շատ կարևոր են:

Սիրելի ընթերցողներ, թույլ տվեք սրտանց շնորհավորել Ձեզ գալիք Ամանորի կապակցությամբ: Թող 2022 թվականը ձեր հաջողությունների ու ձեռքբերումների ուղեկիցը դառնա. ուրախություն, իղձերի կատարում, փոխըմբռնում և բազում գեղեցիկ և բարի ակնթարթներ։ Թող բոլոր դժվարությունները հաղթահարվեն, իրականացվեն լավագույն հույսերն ու ամենահամարձակ երազանքները։

Verelq խմբագրական կազմը մաղթում է Ձեզ քաջառողջություն և անսպառ եռանդ, հանգստություն և շարունակական հաջողություն, առատություն և բարօրություն:

Շնորհավոր Նոր Տարի: