28.03.2024
Պետգույքի օտարման գործընթացներն իրականացվել են կոռուպցիոն չարաշահումներով. դատախազություն
prev Նախորդ նորություն

Նորություններ գործընկերներից

Անհրաժեշտ է առնվազն փորձել վերականգնել ԼՂՀ տարածքային ամբողջականությունը. Ռոբերտ Քոչարյան

Անհրաժեշտ է առնվազն փորձել վերականգնել ԼՂՀ տարածքային ամբողջականությունը։ Այս մասին այսօր՝ դեկտեմբերի 27-ին, ամփոփիչ մամուլի ասուլիսի ժամանակ հայտարարել է Հայաստանի երկրորդ նախագահ, «Հայաստան» ընդդիմադիր դաշինքի առաջնորդ Ռոբերտ Քոչարյանը։


Քոչարյանը, ըստ էության, ընդունել է, որ իշխանության գալու դեպքում չի հրաժարվի Արցախի վերաբերյալ 2020 թվականի նոյեմբերի 9-ի եռակողմ հայտարարությունից։ Նա նշել է, որ Հայաստանի եւ Արցախի համար անընդունելի բոլոր դրույթներն արդեն իրականացվել են, չի իրականացվել միայն մեկ կետ՝ ռազմագերիների վերադարձը։ Այն պայմաններում, երբ Ադրբեջանը շարունակում է պահել ռազմագերիներին, հրաժարվել միակ փաստաթղթից, որտեղ հստակ ամրագրված է այդ խնդիրը, մեծ սխալ կլիներ։


Խոսելով Հադրութն ու Շուշին վերադարձնելու ուղղությամբ իր գործողությունների մասին՝ Քոչարյանն ընդգծել է, որ առնվազն պետք է փորձել ապահովել ԼՂՀ տարածքային ամբողջականության վերականգնումը։


«Ես չեմ կարծում, որ հնարավոր է վերադարձնել այն ամենը, ինչ եղել է։ Բայց այդ ուղղությամբ քայլերը չեն կարող որեւէ արդյունքի չհանգեցնել, ես այն մարդկանցից եմ, ովքեր հավատում են, որ ամեն օր աշխատելով՝ անհնար է որեւէ արդյունքի չհասնել»,- հայտարարել է Քոչարյանը՝ նշելով, որ վատագույնն այն է, որ չփորձեն, անգործեն։


 


 

Նիկոլ Փաշինյանն աշխատանքային այցով կմեկնի ՌԴ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար