Հայաստանի հետ հարաբերությունների կարգավորման հարցով Թուրքիայի հատուկ ներկայացուցիչ է դարձել ԱՄՆ-ում Թուրքիայի նախկին դեսպան Սերդար Քըլըչը։ Միջազգային հարցերի ռուսական խորհրդի փորձագետ Սերգեյ Մելքոնյանն Տելեգրամի իր ալիքում վերլուծել է այդ նշանակումը: «Հիմնական եզրակացությունները այս նշանակման մասին 1. Սերդար Քըլըչը, լինելով ոչ միայն Հայոց ցեղասպանության հրապարակային ժխտող, այլև ցեղասպանության ճանաչումն արգելափակելու ակտիվ լոբբիստ, դարձել է հայկական իշխանությունների տեսանկյունից բանակցությունների ընդունելի ֆիգուր։ Հակառակ պաշտոնական Երևանի մասին չի հայտարարվել։ Ազգային-կողմնորոշված էլիտան այդ քայլը կգնահատեր որպես միտումնավոր վիրավորանք։ 2. Նման նշանակումը կատարելով՝ Թուրքիան ցույց է տալիս, որ չի հրաժարվում ցեղասպանության հարցում իր մոտեցումներից։ Նման քայլից հետո կարգավորման գործընթացը կարելի է կանգնեցնել Անկարայի կողմից բարի կամքի բացակայության պատճառով։ 3. Հայկական կողմից տվյալ անձի՝ որպես բանակցող փաստացի ընդունումը խոսում է այն մասին, որ Ցեղասպանության թեման ոչ միայն երկրորդական է, որը կարելի է հանել փակագծերից, այլ նաև զիջումների գնալ այդ հարցի շուրջ։ Թուրքիան պատրաստ չէ իրական կարգավորման։ Թուրքական «հարաբերությունների կարգավորումը» նշանակում է հայկական քաղաքական գործոնի ոչնչացում։ Դա ևս մեկ անգամ հաստատվում է այդ նշանակումներով։ Նման «բանակցողները» պատմության թշնամիներն են՝ կեղծելով Հայոց ցեղասպանության, պետության մասին փաստերը, ցանկանալով ոչնչացնել այն, և ազգերին, որովհետև հարվածի տակ կհայտնվեն Արցախն ու Սփյուռքը։ Այդպիսին է ցանկացած մեկը, ով ժխտում է Հայոց ցեղասպանությունը և կեղծում պատմությունը։ Այս հարցի վերաբերյալ երկրորդ կարծիք լինել չի կարող», - գրել է Սերգեյ Մելքոնյանը։
