Իսրայելի վարչապետ Բենյամին Նեթանյահուի հոկտեմբերյան այցը Ադրբեջան առաջին հերթին քաղաքական իրադարձություն է: Աշխարհաքաղաքական առումով Երուսաղեմից մինչև Բաքու ընկած տարածությունը հրդեհի մեջ է և չի կարելի ասել, որ մոտակա ժամանակներս այդ հակամարտությունները կդադարեն: Այդ մասին հայտարարել է փորձագետ Զեև Ֆրայմանը: Նա նշել է, որ չնայած Իսրայելի գազային հանքավայրերի լուրջ հեռանկարներին, արդբեջանական նավթը շատ կարևոր է՝երկու երկրները կարող են գումարներ վաստակել վերամշակման, տեղափոխման վրա: Ըստ նրա, նավթային թեման ինչքան տնտեսական է, այնքան էլ քաղաքական է, փոխանցում է day.az-ը: Ըստ նրա, Ադրբեջանն ու Իսրայելը համագործակցում են նաև ռազմական ոլորտում: Այստեղ խոսքը կարող է գնալ ինչպես առաքումների, այնպես էլ Ադրբեջանի զինված ուժերի արդիականացման մասին: Հեռանկարային է նաև զենքերի տարանցումը, քանի որ Ադրբեջանն իր աշխարհագրական դիրքի շնորհիվ կարող է իսրայելական ռազմական արտադրանքի համար տարանցիկ երկիր հանդիսանալ:
