Հայաստանի կառավարության ապրիլի 10-ի նիստում վարչապետ Նիկոլ Փաշինյանը հանդես եկավ ինքնաքննադատական հայտարարությամբ՝ ընդգծելով բոլոր պետական ծառայողների և պաշտոնյաների համար իրենց գիտելիքների մակարդակը վերանայելու և կրթության ու զարգացման մեջ լուրջ բացեր ընդունելու անհրաժեշտությունը։ Վարչապետի խոսքով, եթե նա չի կարողացել տարիներ առաջ այսօրվա ելույթն ունենալ, դա վկայում է, որ այս տարիների ընթացքում նա էապես չի առաջադիմել․ «Սա նշանակում է, որ ես 7 տարի նույն դասարանում եմ մնացել։ Եթե սովորած լինեի, այս ամենի մասին շատ ավելի վաղ կխոսեի։ Այն, որ հիմա եմ այդ հարցերը բարձրացնում, խոսում է իմ բացթողումների մասին»։ «Այն, ինչ ասացի այսօր, նշանակում է, որ ես 7 տարի մնացել եմ նույն դասարանում, որովհետև, եթե ես սովորեի, 6-7 տարի առաջ այս ելույթը նույն ձևով այս նույն տեղում կունենայի։ Այն, որ ես հիմա եմ սրա մասին խոսում, նշանակում է, որ 7 տարի մնացել եմ առաջին դասարանում», - հայտարարել է Փաշինյանը։ «․․․ խոսում եմ մարդկանց հետ ու հասկանում եմ, որ 7 տարի բոլորդ՝ իմ գլխավորությամբ, մնացել ենք առաջին դասարանում, որովհետև թուղթ է, որ պրինտ ենք անում», - ավելացրել է նա։ Փաշինյանը նաև ընդգծեց, որ պետական պաշտոնյաների՝ հատկապես կառավարության անդամների գիտելիքի պակասը ուղղակիորեն ազդում է հասարակության վրա։ «Եթե ժողովուրդը չունի բավարար գիտելիք, դա մեր մեղքն է։ Մենք ենք առաջնորդում մարդկանց, բայց ոչ դեպի լուսավոր ապագա, այլ դեպի աղքատություն ու անտեղյակություն։ Սա մեր առաջնորդության արդյունքն է», - նշել է վարչապետը։