Կատարը կապասառեցնի 6 մլրդ դոլարի իրանական ակտիվները. Իրանի նախագահ

Իրանի և Կատարի միջև ձեռք բերված նոր համաձայնության արդյունքում Թեհրանը մատչում կստանա էմիրությունում սառեցված իր բազմամիլիարդանոց ակտիվների մի զգալի հատվածին:

Իսլամական Հանրապետության նախագահ Մասուդ Փեզեշքիանի հավաստմամբ՝ երկու պետությունները պայմանավորվել են Կատարում գտնվող 12 միլիարդ դոլար ընդհանուր ծավալով իրանական ֆինանսական միջոցներից 6 միլիարդն ապասառեցնելու և Իրան վերադարձնելու շուրջ:

Նախագահի մամուլի ծառայությունը պարզաբանում է, որ զուգահեռաբար շարունակվում են ակտիվների մնացյալ մասի վերադարձմանն ուղղված անհրաժեշտ աշխատանքները:

Այս գործընթացը համահունչ է արևմտյան մամուլի, մասնավորապես՝ The Wall Street Journal-ի ավելի վաղ շրջանառած այն տեղեկությանը, ըստ որի՝ Միացյալ Նահանգներն ու Կատարը մշակում էին հատուկ մեխանիզմ։

Ակնկալվում էր, որ այդ գործիքակազմը թույլ կտա Իրանին իր սառեցված ֆինանսական միջոցներն օգտագործել բացառապես մարդասիրական նշանակության ապրանքներ ձեռք բերելու նպատակով, և հենց առաջին փուլում նախատեսվում էր հասանելիություն տրամադրել 6 միլիարդ դոլարի չափով: