Թուրքիան պատրաստ է կազմակերպել բանակցություններ Ռուսաստանի և Ուկրաինայի ներկայացուցիչների միջև՝ երկու երկրների միջև տարաձայնությունները լուծելու համար, հայտարարել է Թուրքիայի արտգործնախարար Մևլութ Չավուշօղլուն իր ռուս գործընկեր Սերգեյ Լավրովի հետ հեռախոսազրույցում։ Ըստ Թուրքիայի ԱԳՆ-ի՝ Չավուշօղլուն չորեքշաբթի առանձին հեռախոսազրույց է ունեցել ռուս և ուկրաինացի գործընկերներ Սերգեյ Լարովի և Դմիտրի Կուլեբայի հետ, որոնց ընթացքում քննարկվել է Մոսկվայի և Կիևի միջև լարվածության սրումը։ Ըստ հայտարարության՝ Չավուշօղլուն Լավրովի հետ զրույցում ընդգծել է ճգնաժամի կարգավորմանն ուղղված դիվանագիտական ջանքերի կարևորությունը։ «Նախարար Չավուշօղլուն ընդգծել է խնդրի լուծման համար դիվանագիտական նախաձեռնությունների կարևորությունը։ Այս համատեքստում Չավուշօղլուն հաստատել է, որ Թուրքիան պատրաստ է ընդունել Ռուսաստանի Դաշնության և Ուկրաինայի միջև հանդիպումը։ Լավրովը նաև հաստատել է, որ մասնակցելու է Անթալիայում մարտի 11-ից 13-ը կայանալիք 2-րդ դիվանագիտական ֆորումին և Աստանայի ձևաչափով Սիրիայի հարցով նախարարական հանդիպմանը, որը նույնպես պետք է անցկացվի Անթալիայում։ Մևլութ Չավուշօղլուն և Դմիտրի Կուլեբան քննարկել են Ուկրաինայի և Ռուսաստանի միջև լարվածության հետ կապված վերջին զարգացումները։
