Ավտոմաքսատունը կտեղափոխի Գյումրի: Որոշումը կայացվեց կառավարության այսօրվա նիստում: ՊԵԿ նախագահ Դավիթ Անանյանի խոսքով, կառավարությունը կտրամադրի 181 միլիոն դրամ, որից շուրջ 41 մլնը նախատեսված է մեկ անձի գնում կատարելու միջոցով նախագծա-նախահաշվային ծառայությունների ձեռքբերման, երկրաբանական-հետախուզական ծառայությունների ձեռքբերման ու հողի հիմքի ձեռքբերման ծառայություններին: Իսկ 140 միլիոն դրամը կտրամադրվի վարչական սարքավորումների ու ընդհանուր բնույթի այլ սարքավորումների ձեռքբերման համար: Հիշեցնենք, հուլիսի 20-ին վարչապետ Նիկոլ Փաշինյանը հայտարարել էր, որ ավտոմաքսատունը Գյումրի կտեղափոխվի մինչ այս տարվա վերջ։
